A biblioteca de Bell High School

A biblioteca do instituto é un espazo luminoso e agradable en dous niveis. Alí impártense algunhas clases para uso dos recursos bibliográficos que organiza a encargada segundo a temática que se vai traballar.
Como en moitas outras bibliotecas, foron sustituindo os recursos en papel por recursos dixitais aos que o alumnado ten acceso: https://bellhs.ocdsb.ca/student_services/library

Aprendendo con libros infantís

Na clase de ESLDO (English as a Second Language de nivel intermedio-avanzado) a profesora Carolina Resendes tiña montado un proxecto para traballar con libros infantís que case puiden ver na súa totalidade e cuxo resultado me pareceu magnífico. Era a primeira vez que ela facía este tipo de actividade e sentinme feliz de poder contribuír cos meus comentarios e como fotógrafa dalgunhas partes.

O alumnado era de moi diferentes nacionalidades e culturas e o traballo en grupo non foi doado.

A actividade pasou por diferentes etapas:

1.   Presentación de libros infantís.

En Canadá é costume e, case unha obriga, que as nais e pais lean cada noite aos seus nenos. Dos 25 alumnos só a un lle leran contos de neno. Así pois non estaban nada familiarizados con este formato nin sabían moito do tema.

A profesora trouxo varios libros e léronos.

2. Logo distribuiron os libros por grupos e analizaron como se estruturan os libros infantís. Cada grupo fixo un cartel respondendo a estes aspectos que logo puxeron nos taboleiros da clase:

-Título

-Por que lles gusta aos nenos esta historia

-Argumento

-Escenario

-Punto de vista

3. Unha vez coñecido o funcionamento dos libros infantís, a tarefa que se lles asignou foi a de escribir un libro para nenos. Cada grupo tería catro membros: un líder, un escritor, un vendedor e un debuxante.

As instrucións que recibiron foron estas:

-          Non usar o seu propio idioma, senón sempre o inglés.

-          Non usar o móbil (recordemos que non está prohibido nas aulas)

-          Non estar calados

-          Non falar coa xente doutros grupos

-          Non durmir

-          Escoitar atentamente aos compañeiros

-          Dar ideas 

A profesora avaliaría as habilidades cooperativas e de participación mentres eles traballan.

4.      Cando a historia estaba xa ideada o traballo de cada membro sería o seguinte:

-          Todos terían que organizar a escritura e os debuxos e decidir como arranxarían o libro.

-          O escritor revisaría os tempos verbais, pronomes e vocabulario tendo en conta que é un libro para nenos e por tanto, precisa unha linguaxe sinxela.

-          O líder encargaríase da edición e revisaría a escrita..

-          O ilustrador e vendedor deciden sobre os debuxos.

5. Unha vez que o libro está debuxado e escrito teñen que montalo, revisando todo antes atentamente.

6. O último día fíxose unha feira do libro na que cada grupo presentou aos outros o seu exemplar.

Organizouse a presentación por grupos e foi o maquetador que explicou de que trataba o libro e ata leuno, usando así moito o inglés. Os que escoitaban podían logo facerlle preguntas.

Despois da primeira ronda a profesora chamou aos vendedores e deulles instrucións para mellorar a súa presentación (mostrar o libro, falar de frente, etc).

Cada vez que repetían isto, melloraban de xeito moi considerable e medraba a súa motivación. Foi un éxito absoluto!

Ao final a profesora explicou que lle ía levar os libros aos seus nenos e ver cal era a súa reacción. Contoume que os gravou e lles mostrou o que dicían os seus fillos aos alumnos e quedaron absolutamente abraiados do éxito que tiveron as súas creacións.

Foi unha actividade que serviu non só para mellorar o inglés e os seus coñecementos de literatura, senón sobre todo para desenvolver as súas capacidades comunicativas e  motivalos. 

Bell HS Clubs

Bell High School

No instituto o alumnado organiza infinidade de clubs de todo tipo que levan a cabo durante a hora de comer ou despois de clase. Fano con ou sen a colaboración do profesorado e paréceme unha iniciativa moi interesante porque os rapaces demostran ter iniciativas propias.


Estes son algúns dos carteis dos clubs:

Tamén hai moitas iniciativas de voluntariado para obter fondos ou axudar aos necesitados. En Canadá o alumnado debe ter feito un número de horas de voluntarios para rematar a secundaria. 

Writer's Craft Class

Esta clase é impartida polo profesor Mr. Jim Risk a un grupo duns 15 estudantes de Grade 12 que corresponde ao noso 2º de BAC.

Trátase dun curso de escritura creativa moi dinámico e motivador no que os alumnos estudan textos de distintos xéneros e logo escriben empregando técnicas similares. As actividades mestúranse facendo así unha clase moi dinámica e creativa.

Estas son algunhas das actividades que levaron a cabo e que poden dar ideas para as nosas propias clases. En tódolos casos foros explicadas e contextualizadas minuciosamente.

-          Write about your first lie and how you felt at the time.

-          Write a description of a picture. Then another students draws a picture following this description. Both pictures are compared and a reflection on what was helpful and what was “not clear” follows.

-          Following the description by Bonnie Burnard in A Good House, students have to go to the library and describe their way back to the classroom. They cannot use the words ‘left, right, north, south, east, west’ or shared associations and they must pay attention to the sense of directions as well as to the atmosphere.

-          “Front Porch” description. After reading “This is where my world began” by Margaret Laurence they must write about their own experience.

-          ‘Problem page’. They must write about a problem on a sheet of paper and then they have to answer to another person’s problem. They are funny or sarcastic problems/advice.

-          Landscape picture: the students are given a picture of a landscape and they must write a descriptions in terms of visual. Then they pass the picture and the writing to another colleague who has to add a description of the same photo in terms of sound. They pass it again and the next person writes a description in terms of scent. Then they write a description in terms of taste and finally one in terms of touch. The person who started the description gets it back.

-          Summaries. Summarize a text to the maximum. To practise that, they have to rewrite a descriptive paragaph by taking out all that isn’t necessary. The teacher highlights some of the words that must disappear and they sometimes must add some word or change verb tenses.

-          Landscape picture: this time they must isolate something that is moving or refers to movement in the picture and they must describe it. The base is a paragraph in Cormac McCarthey, All the Pretty Horses.

-          Write about the moment you felt you abandoned the world of children. Read “Janet Waking” which is related to the topic and work with some more aspects of the poem like title, connotation, attitude and theme.

A revisión dos ensaios ou traballos que levaron a cabo faise dunha forma cooperativa. Son revisados polos compañeiros que explican os puntos que eles consideran mellorables. Moitas veces isto leva a unha reescritura do texto. Ao mesmo tempo, teñen que entregar outras tarefas relacionadas co tipo de texto que están a traballar para ser avaliados.

31 outubro - Halloween

Halloween é aquí unha gran celebración. Dende que cheguei (xa hai 15 días) respírase Halloween por todas partes: nas tendas, nas casas, nas rúas... 

E logo chega o gran día…

No instituto profesores e alumnos veñen con algún disfraz, case sempre para dar medo (zombis, esqueletos, bruxas, monstros).

Non se organizan moitas actividades especiais, pero o grupo de alumnos de ESLAO (o nivel máis básico de inglés) vai polos departamentos facendo "Trick or Treat". A semana pasada tamén se organizou un día "Haunted House" coa finalidade de asustar a aqueles que voluntariamente quixeran pasar medo. 

Pola tarde/noite os nenos, que en días previos tallaran as cabazas, si que van facendo "Trick or Treat" para recoller doces polas casas e o barrio transfórmase nunha festa de disfraces terroríficos.

 Así vai a cantiga dos nenos, aínda que cando chaman á porta só din "Trick or Treat":

Trick or treat

Smell my feet

Give me something good to eat

If you don’t

I don’t care

I’ll pull down your underwear

Ou deste xeito:

Trick or treat

Smell my feet

Give me something good to eat

Not too big

Not too small

Just the size of Montreal